Estilu Imperiu

El estilu Imperiu (en francés: style Empire) ye un estilu artísticu dominante, esencialmente, en decoración d'interiores, moblame y moda, que s'enserta dientro del movimientu neoclásicu, y en concretu del neoclasicismu tardíu. Toma'l so nome del periodu de gobiernu de Napoleón en Francia, conocíu como Primer Imperiu Francés.

A pesar del so nome, l'estilu desenvuélvese antes de la proclamación del Imperiu en 1804, teniendo'l so puntu d'orixe nes campañes militares d'Italia (1797) y Exiptu (1798). En Francia, al estilu Imperiu antecédelu'l estilu Directoriu y asocéde-y l'estilo Restauración.

L'estilu Imperiu espresóse sobremanera na redecoración de la residencies imperiales como les Tullerías, Saint-Cloud, Fontainebleau, La Compiègne o'l Grand Trianon, amás d'en residencies particulares como la Malmaison o'l Hôtel de Beauharnais.